Pauline vind geluk

Pauline vind geluk

Wessel Bruwer verbreek sy verhouding met sy liefde, Mandie, toe sy nie met hom wil trou nie en sy 'n oop verhouding wil hê. Hy verhuis terug na Suid-Afrika en werk as vlieënier by Meyer Industries in George.

Pauline Niemand Marx, die suksesvolle eiendomsagent, se lewe kom tot stilstand toe haar man haar los vir 'n jong kind. Haar hart is gebreek.

Na 'n suksesvolle noodlanding, wat sy vanuit haar vriendin se kantoor aanskou het, ontmoet Pauline vir Wessel en daar is onmiddellik 'n vonk tussen die twee. Wessel slaan haar voete onder haar uit en hulle weet vroeg hulle wil mekaar hê, ongeag die ouderdomsverskil. Wessel vra haar om met hom te trou en hulle raak verloof.

Wanneer sy op film, met haar eie oë sien hoe hy 'n misdaad pleeg en 'n ander vrou bemin, soos hy haar bemin het, gee sy hom die trekpas. Sy werk ontslaan hom summier. Hy word gearresteer en vervolg vir rampokkery. By die hof word hy in sy kop geskiet deur die rampokkers wat hom beswadder het. Die koeël is die een kant in en die ander kant van sy kop uit. Dit is onmoontlik om te leef en die nuusomroeper kondig dit af dat hy dood is. Die televisie filmspan verfilm hoe die laken oor hom gegooi word. Die projektiel het egteronder die kopvel langs gehardloop en sy skedel nie deurboor nie.

Pauline sien dit op die televisie gebeur besef sy het hom steeds lief. Hy oorleef en kom regop. Hy word in 'n hospitaal verpleeg en verhoor. Hy word in die hof onskuldig bevind. Sy weet ook nou hy is onskuldig en sy het hom geen kans gegee om homself te verdedig nie. Na hy eers weg is ontdek sy dat sy swanger is. Sy smag met haar hele wese om weer in sy arms te kan wees.

Hy reis tussen drie kontinente in lewensgevaarlike omstandighede en moet selfs vir sy lewe veg. Hy is direk behulpsaam met die dwelmbaas, wat alles beplan het, se inhegtenisneming en bewys aan die wêreld sy onskuld.

Hy kan sy Pauline nie vergeet nie. Hy is bereid om enige iets te doen, selfs vuil spel, om haar terug te kry. Haar vriendinne wil haar net so graag weer by hom sien. Hy weet daar sal nooit weer 'n ander vrou vir hom kan wees nie.

Hierdie boek is die skoon en romantiese weergawe. Seks word nie in detail beskryf nie. Beide die gedrukte en elektroniese weergawe is die skoon weergawe.

 

Biografie

Johan Crous

 

Johan Crous is 'n polisiebeampte van beroep wat tydens sy herstelperiode, na 'n reeks operasies, begin skryf het. Hy spesialiseer in feestebestuur.
Hierdie boeke is geskryf soos vele ander, deurdat die storie se idee op die ingewing van die oomblik by my opgekom het. Ek het dalk nie 'n tradisionele skryfstyl wat dalk deur ander skrywers erken word nie, maar het nogtans voortgegaan. Ek het al heelwat boeke gepubliseer. Ek het eers net vir myself geskryf. Ek het op 'n dag lus gevoel om dit uit te gee en die terugvoer was belowend en nou glo ek in myself.
Die verhale is maar 'n vrug van my verbeelding en ek het tog die skryf van die verhale geniet.
Die genot om 'n verhaal neer te pen en die emosies en gebeure uiteen te sit gee my ure se tydverdryf. Die terugvoering wat ek gekry het maak dit oor en oor die moeite werd.

U kan die skrywer kontak by jcrous699@gmail.com.
U kan my webblad besoek by www.johancrous.co.za.
Ek as skrywer sal dit baie waardeer as u my boek sal gradeer by www.goodreads.com.

R40.00 (Elektronies) $12.99 (Slapband) - Ongeveer 530 Bladsye [EFT vir die elektroniese boek is ook beskikbaar]